काठमाडाै -  लिउडका दिग्गज अभिनेता धर्मेन्द्रको ८९ वर्षको उमेरमा उनको निधन भएको छ ।

सास फेर्ने समस्या भएपछि उनलाई मुम्बईको ब्रीच क्यान्डी अस्पतालमा भर्ना गरिएको थियो । उनको केहीबेरअघि निधन भएको हो । धर्मेन्द्रको निधन भारतीय फिल्म उद्योगका लागि ठूलो क्षति हो। 

र्मेन्द्र भारतीय सिनेमाका सबैभन्दा प्रिय सुपरस्टारमध्ये एक थिए । उनले फिल्म उद्योगलाई ३०० भन्दा बढी चलचित्रहरू दिएका छन् र उमेरको यस चरणसम्म पनि उनी अभिनयमा सक्रिय रहेका थिए ।

६ दशकभन्दा बढी समयसम्म सिनेमामा राज
धर्मेन्द्रले आफ्नो करियरको सुरुवात सन् १९६० मा गरेका थिए । त्यही वर्ष उनको पहिलो फिल्म दिल भी तेरा हम भी तेरे रिलिज भएको थियो । त्यसपछि उनले आई मिलन की बेला, फूल और पत्थर, आए दिन बहार के जस्ता चलचित्रमा काम गरे । फूल और पत्थरबाट उनलाई ठूलो लोकप्रियता प्राप्त भयो ।

सन् १९६० देखि १९८० को दशकबीच उनले आंखें, शिखर, आया सावन झूम के, जीवन मृत्यु, सीता और गीता, यादों की बारात, शोले, दोस्त, गुलामी, धरम वीर, हुकुमत, चरस, एलान–ए–जंग जस्ता उत्कृष्ट चलचित्रहरू भारतीय सिनेमालाई दिएका थिए ।

धर्मेन्द्रको निधनले बलिउड मात्र होइन, सम्पूर्ण भारतीय कला क्षेत्रलाई ठूलो शोकमा डुबाएको छ ।